Fri, 16 Apr 2021

SIKAD, LANTAW sa Gingoog, gilunsad

Philippine Information Agency
25 Feb 2021, 17:38 GMT+10

GINGOOG CITY, Peb. 25--Isip pagsaulog sa 23rd Founding Anniversary sa San Luis National Highschool (SLNHS) , pormal nga gilunsad sa maong tunghaan ang programang SIKAD (Shape and Innovate Knowledge to Accelerate Development of Learners and the Community) ug Learn, Aspire and Nurture for Teacher-Learner Academic Welfare (LANTAW) inubanan sa suporta sa Department of Education - Division of Gingoog ug lokal nga pangagamhanan.

Kini nga programa nahimong inisyatiba sa SLNHS agi'g suporta sa Gearing for Outstanding Leaders-Learners through Dynamism nga strategic direction sa DEPED-Gingoog.

Nag focus kini sa academic excellence and teachers empowerment nga naglayon nga mahatagan og nindot nga learning environment ang mga estudyante ug mamahimo nga mapauswag ang academic performance pinaagi sa E-reading enhancements ug paghatag sa remedial worksheets hilabi na sa mga stuggling readers/learners.

Gihatagan usab og pagtutok niini ang mga naglisod nga estudyante nga kung dili man makaadto sa eskwelahan para magkuha sa mga modules o mag submit sa mga worksheets, personal nga adtoon sa mga teachers kini nga estudyante pinaagi sa pagbike.

Gawas niini, ang "Buddy ta, lambo ta" gihimo usab para ma-increase ang partnership ug professionalism sa mga teachers pinaagi sa pag-adapt sa "buddy system" sa operasyon sa matag magtutudlo.

Nakadawat og komendasyon ang maong mga programa sa SLNHS gikan ni City Mayor Erick G. Canosa tungod kay pinaagi sa SIKAD ug LANTAW, mas gipakita sa maong tunghaan ang importansiya sa paghatag og pagtagad sa matag estudyante niini.

Gipahibalo usab ni Brgy. Kapitan nino Stephen Quinto nga tungod sa pag-aprubar sa BDP sa Brgy. San Luis, apil nga benepisyaryo ang SLNHS tungod kay usa sa mga proyekto sa BDP ang covered court sa maong tunghaan.

Lakip nitambong sa maong kalihokan si Kag. Roy Aniscal, SDS Jesnar Dems Torres,PhD., Mr. Sherwin Cuerdo, Ms. Mary Jean E. Almagro, Ms. Mary Jane L. Saligumba, Ms. Melinda M. Garabato, Sangguniang Barangay sa San Luis, SLNHS Teachers, Wilmar Edible Oils Incorporated, Axelum Resources Corporation, Bikers Club, CDRRMO, ug GCPAT. (Gingoog City Information Office)

More United States News

Access More

Sign up for United States News

a daily newsletter full of things to discuss over drinks.and the great thing is that it's on the house!