Sat, 17 Apr 2021

25,000 giant bamboo seedlings gitunol sa PGMO

Philippine Information Agency
25 Feb 2021, 16:38 GMT+10

MISAMIS ORIENTAL, Peb. 24 - Nakadawat ang buhatan sa Provincial Agriculture Office og 25,000 ka mga seedlings sa giant bamboo gikan sa Bamboo Ecological Corporation (BEC), usa ka US based international organization.

Ang bamboo seedlings magdugang sa pagtak-op sa mga upland areas, mga hilly ug watershed areas nga makatabang nga mamahimong berde ug hamugaway ang palibot.

Atol sa ika 45th nga Virtual Flag Raising Ceremony sa kapitolyo probinsyal adlaw nga Lunes, Pebrero 22, 2021, nagpinirmaha og Memorandum of Agreement ang buhatan sa Provincial Agriculture Office ug ang Bamboo Ecological Corporation (BEC) aron maghatag og higayon sa probinsya nga makabaton og mga giant bamboo seedlings.

Gipasabot nga ang maong proyekto nga malakip niini mao ang carbon trading sa mga lokal nga mag-uuma nga sa umaabot mahimong long term nga response sa climate change mitigation.

Lakip sa gikasabutan nga ang BEC maoy mohatag og mga planting materials samtang ang mga lokal nga mag-uuma mao na ang responsable sa pag tanom niini.

Sulod sa maong kasabutan ang pagpahigayon og planting campaign sa mga seedlings sa mga nagkadaiyang lugar sa probinsya hilabina sa mga river banks, ancestral domain areas of Indigenous People partners sa Gingoog, Claveria, Medina, Lagonglong, Balingasag, ug Balingoan Mt. Balatukan shed areas lakip ang indigenous people areas sa lungsod sa Opol, Alubijid, ug Manticao.

Malaumon usab ang President and CEO sa Bamboo Ecological Corporation (BEC) nga si Russell Clark Smith III nga mahimong katambayayong ang indigenous population groups, private land owners, farmers, churches, ug mga Governmental Organizations sa pagpatuman sa maong proyekto.

Suportado ni Governor Bambi Emano ang mga lakang ni Provincial Agriculturist Jose Apollo Pacamalan mahitungod kung hisgutan ang kahimtang sa Agrikultura sa probinsya tungod kay ang pagpalambo sa pag-uma, dakong kalamboan usab ngadto sa mga mag-uuma. (PIO)

More United States News

Access More

Sign up for United States News

a daily newsletter full of things to discuss over drinks.and the great thing is that it's on the house!