Fri, 22 Jan 2021

Guimaras, Camiguin gaduso sa igo nga supply sa agrikultura

Philippine Information Agency
01 Dec 2020, 20:38 GMT+10

CAMIGUIN, Nob. 25 (PIA)--Sa pag-back up sa industriya sa turismo pinaagi sa mga produktong agrikultura ug pangisda, ang Guimaras ug Camiguin gidoble ilang paningkamot aron masiguro nga igo ang ilang mga suplay taliwala sa coronavirus disease (COVID)-19.

"Last year our rice sufficiency was 106, to date it's 131. We had the biggest increase in rice production at 880 percent, higher than Aklan and Antique and Roxas," miingon si Guimaras Gob. Samuel Gumarin sa Network Briefing News kauban si Communications Sec. Martin Andanar, Nobyembre 25.

(Sa niagi nga tuig, ang among rice sufficiency kay 106, karon kay 131. Aduna kami'y labing kadaghan nga pagtaas sa produksyon sa humay nga 880 porsyento, mas taas pa sa Aklan ug Antique ug Roxas)

Ang produksiyon sa mangga sa Guimaras hapit na 13,000 nga metriko tonelada kumpara sa 11,000 nga metriko tonelada sa 2018.

Kabahin sa kaigo sa isda, ang gobernador nag-ingon nga naa sila sa 110 porsyento nga suffiency rate.

Produksyon sa agrikultura sa Camiguin

Sa Camiguin, ang Department of Agriculture (DA) kauban ang pakig-alayon sa mga local government units (LGUs) nagpalig-on sa mga programa bahin sa mga proyekto sa panginabuhian sa mga mag-uuma, konstruksyon sa mga dalan sa farm-to-market (FMR), irigasyon, pagtukod ug mga ihawan sa munisipyo, pagpanghatag ug mga farm tractor, ug uban pa.

Sa Guinsiliban, si Rep. Xavier Jesus Romualdo nagtabang sa konstruksyon sa mga FMR sa Cabuan ug Sitio Sandayong-Sitio Lisbong nga aduna'y P2 milyon nga badyet sa matag FMR. Naghatag usab ang DA ug P2.5 milyon alang sa proyekto sa panginabuhian sa mga mag-uuma.

Sa Sagay, usa ka P4 milyon nga FMR ang gitukod pinaagi sa Barangay Cuna LGU nga aduna'y 0.447 km nga katas-on.

Samtang ang Mambajao LGU ug DA nagtinabangay alang sa P800,000 nga konstruksyon sa usa ka pasilidad sa composting.

Gitabangan usab ni Rep. Romualdo ang Mahinog LGU sa pagtukod ug tulo nga mga FMR nga nagkantidad ug P2 milyon sa matag karsada sa Barangay San Isidro, San Miguel ug San Roque.

Alang sa Catarman, nakatabang ang DA sa pag-upgrade sa ihawan sa munisipyo nga aduna'y P2 milyon nga badyet gawas sa pagtukod usa ka pasilidad sa composting nga aduna'y P800,000 nga badyet.

Naghatag usab ang DA ug 4WD farm tractor sa kagamhanang probinsyal nga nagkantidad ug P1.82 milyon.

Parehas ang Guimaras ug Camiguin nga gasalig sa turismo alang sa pagpadayon sa ekonomiya apan tungod sa COVID-19, ang mga LGU naninguha sa igo nga mga pamaagi aron matabangan ang ilang mga lumulupyo nga nasinati ang daotang epekto sa pagpatuman sa quarantine kung diin mas naapektohan ang mga pamilya nga aduna'y gamay lang nga kita. (VPSB/PIA10)

More United States News

Access More

Sign up for United States News

a daily newsletter full of things to discuss over drinks.and the great thing is that it's on the house!