Fri, 04 Dec 2020

Ozamiz Fire Station nakadawat ug fire truck

Philippine Information Agency
22 Oct 2020, 10:38 GMT+10

OZAMIZ CITY, Misamis Occidental, Oct. 22 (PIA)--Nadawat sa Bureau of Fire Protection (BFP)-Ozamiz City Fire Station ang usa ka fire truck nga nalakip sa 84 ka mga emergency vehicles nga gihatag, Oktubre 16, pinaagi sa usa ka virtual turnover.

Gipangunahan kini ni BFP Director CSupt Jose S. Embang Jr. uban ni Senator Lawrence "Bong" Go ug Department of the Interior and Local Government (DILG) Secretary Eduardo Ano.

Ang 84 ka mga emergency vehicles nga gi-apud-apod sa nagkalain-laing LGUs sa tibuok nasud ang naglangkob sa 76 ka 1000-gallon fire trucks, 5 ka mga aerial ladder fire trucks ug 3 ka mga rescue trucks.

Gidawat ni Mayor Sancho Fernando Oaminal uban nila ni Ozamiz Cty Fire Marschall SFInsp Wilfredo Dagatan, City Administrator Lawyer Sam Norman Fuentes ug City Legal Officer Lawyer Hannah Juvenil Abunales, pinaagi sa maong virtual turnover ang usa ka 1000-gallon fire truck.

Dako ang pasalamat ni Dagatan sa nadawat nga fire truck nga matud pa dako kaayo ug ikatabang sa pag-responde sa dakbayan kung aduna'y sunog nga mahitabo.

Ang Ozamiz Fire Station aduna'y lima ka mga fire trucks. Usa niini ang anaa sa Fire Substation sa Carmen Annex, usa ang under repair ug ang tulo nga serviceable ang gagamiton karon sa fire station sa dakbayan. (Ozamiz Info Office/PIA Misamis Occidental)

More United States News

Access More

Sign up for United States News

a daily newsletter full of things to discuss over drinks.and the great thing is that it's on the house!